Prayers

Ai malik tere bande ham


Ai malik tere bande ham, Aise hon hamare karam
Neki par chalen, Aur badi se talen
Taki hanste huye nikale dam, Ai malik tere bande ham

Jab zulmon ka ho samana, Tab tu hi hamen thamana
Wo burai karen, Ham bhalai bharen
Nahin badale ki ho kamana
Badh uthe pyar ka har kadam, Aur mite bair ka ye bharam, Neki par
chalen . . .

Ye andhera ghana chha raha, Tera insan ghabara raha
Ho raha bekhabar, Kuchh na ata nazar
Sukh ka suraj chhipa ja raha
Hai teri roshani men wo dam, Jo amavas ko kar de poonam, Neki par
chalen . . .

Bada kamzor hai adami, Abhi lakhon hain ismen kamin
Par tu jo khada, Hai dayalu bada
Teri kripa se dharti thami
Diya tune hamen jab janam, Tu hi jhelega ham sabke gam, Neki par
chalen . . .